Anglia do të jetë vendi i parë në botë që do të fillojë vaksinimin masiv kundër gonorresë, një infeksion seksualisht i transmetueshëm, por, siç raportohet nga mediat britanike, vaksina nuk do të jetë e disponueshme për të gjithë.

Fokusi do të jetë kryesisht tek burrat gej dhe biseksualë që kanë partnerë të shumtë seksualë dhe një histori të sëmundjeve seksualisht të transmetueshme, raporton BBC.

Në vitin 2023, pati më shumë se 85,000 raste të gonorresë, numri më i lartë që nga mbajtja e të dhënave zyrtare në vitin 1918.

Infeksioni i gonorresë shpesh nuk shfaq simptoma, por të prekurit mund të ndiejnë dhimbje, sëmundja mund të shkaktojë inflamacion të organeve gjenitale dhe infertilitet, por sipas Shërbimit Kombëtar Shëndetësor Anglez, vaksina është 30-40 për qind efektive dhe nuk mund të përcaktohet me siguri se sa njerëz do të vendosin të imunizohen.