Shkolla e drejtorëve, që duhet të përcaktonte drejtuesit e institucioneve arsimore, është kthyer në problem për ata, që aspirojnë pozicione të tilla. Një konkurente na tregon, se duhet të kesh kualifikimin 5 vjecar, të prezantosh një projekt, të bësh teste për modulet dhe në rast, se i kalon, futesh tek finali për licensë. Por ajo thotë, se është e cuditshme, që publikohen vetëm rezultatet e atyre, që humbasin, jo atyre, që fitojnë.Ndërsa procesi i ankimimit ka zgjatur vetëm 10 minuta, në një kohë, që konkurentet kanë konstatuar pyetje të pasakta në test.Me kamera të fshehtë, kandidatet e skualifikuara i drejtohen shkollës së drejtorëve, duke kërkuar shpjegime, se pse nuk u jepet teza e tyre. Por si përgjigje u jepet mospublikimi i të dhënave dhe fakti, se ankueset nuk kanë humbur për dy pikët e pyetjeve të gabuara. Lili Sulaj, pedagoge dhe njohëse e arsimit thotë, që shkolla e drejtorëve është kthyer në Pazar partie dhe të ardhurat e saj, nuk auditohen. Sipas zonjës Sulaj, cdo intitucion arsimor ka detyrim të bëjë tezën publike.