Kemi shkuar në Prrenjas, ku takuam zotin Pasho Dashi, i cili nga një martesë 13 vjecare me Zamirën, ka 3 djem 13, 11 dhe 3 vjec. Bashkëshortët u ndanë dhe gjykata i la 2 djemtë më të rritur babait dhe djalin 3 vjec nënës. Takimi i fundit, që kanë patur me njëri-tjetrin, ka qenë në dhjetor 2024 dhe prej 5 muajsh babai nuk e ka parë djalin e vogël, ndërsa nëna nuk ka parë dy djemtë e tjerë.Si të mos mjaftonte kjo situatë e rëndë, dy djemtë e rritur i thërrasin në emër të ëmën dhe ushqejnë inat e urrejtje ndaj saj.Shkuam në fshatin Rodokal të Pogradecit, ku kishim të dhëna, që jetonte Zamira Dashi me djalin e vogël, por e ëma na tha, që ajo jeton në Tiranë. Pas interesimit të gazetares sonë, u bë e mundur gjetja e vendndodhjes së zonjës Dashi e pas negociatave me të dy prindërit, u bë i mundur edhe bashkimi i fëmijëve dhe takimi i tyre me prindërit.