Shqipëria renditet e fundit në Europë për rrogën minimale. Me pagën minimale 40 mijë lekë, vendi ynë nuk kalon asnjë prej 48 shteteve të tjerë europiane.

Edhe pse në vitin 2023, paga minimale u rrit me 6000 lekë, ajo gradualisht e humb vlerën me rritjen e vazhdueshëm të kostove të jetesës.

Sipas Eurostat, në raport me shtetin kryesues, Luksemburgun, paga minimale në Shqipëri është 6 herë më e ulët. Më shumë se 25 % e punonjësve në Shqipëri paguhen me rrogë minimale, e cila vlen shumë më pak, nëse llogaritet edhe pjesa e shpenzimeve.

Në matjet e Eurostat, familjet shqiptare kanë peshën më të lartë të shpenzimeve për ushqime në Europë, një tregues ky që flet për varfërinë në vend.

Qeveria dhe opozita premtojnë se do të rrisin në 500 euro pagën minimale në fillim të vitit 2026.