Moti i keq me reshje debore, ngricë dhe erë të forta ka shkaktuar probleme në veri dhe juglindje të vendit.

Disa akse rrugore janë të bllokuara dhe në disa të tjera autoritetet bëjnë apel për kujdes dhe vendosje të gomave dimërore.

Borëpastrueset janë në terren duke bërë të mundur hapjen e rrugëve.

Kreu i qeverisë, Edi Rama u ka bërë apel drejtuesve të mjeteve që të kenë kujdes dhe të respektojnë rregullat e qarkullimit rrugor.

Edi Rama: Mjetet borëpastruese, në terren për të siguruar lëvizjen pa pengesa. Respektoni rregullat e qarkullimit rrugor dhe ndiqni udhëzimet e autoriteteve që janë aty për t’ju mbështetur.