Ideja e një ishulli “fantazmë” mund të duket si një koncept nga një episod i “Scooby Doo”, por ajo është bërë realitet në Detin Kaspik.

Satelitët e NASA-s kanë zbuluar një ishull misterioz që më pas është zhdukur plotësisht. Ishulli dyshohet të ketë dalë nga një shpërthim vullkanik pranë bregut të Azerbajxhanit në fillim të vitit 2023, por deri në fund të vitit 2024, ai u zhduk.

Vullkani është rreth 25 kilometra nga bregu lindor i Azerbajxhanit. Satelitët “Landsat” të NASA-s kapën pamje të ishullit më 18 nëntor 2022, 14 shkurt 2023 dhe 25 dhjetor 2024. Ishulli ishte rreth 400 metra i gjerë, por u zhduk shpejt.

Ishujt vullkanikë janë shumë të zakonshme në Azerbajxhan, të vendosur në një zonë ku pllakat tektonike të Arabisë dhe Eurasisë po përplasen.