Një ngjarje e rëndë ka ndodhur në Durrës. Një 35 vjeçar, punëtor i firmës që po kryen punime për ndërtimin e pedonales në plazhin e Durrësit gjatë punës për prerjen e pemëve ka rënë nga koshi i vinçit të punës dhe si pasojë ka ndërruar jetë.

Njoftimi i policisë:

Gjatë punës për prerjen e degëve të pemëve në lagjen nr. 13, është rrëzuar dhe ka rënë nga koshi i vinçit të punës, punonjësi i firmës që po kryen punime për ndërtimin e pedonales në plazhin e Durrësit, shtetasi A. L., 35 vjeç, i cili si pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes