Trafiku i drogës Shqipëri-Turqi dhe Marok-Spanjë me mjete lundruese është vënë në qendër të vëmendjes nga televizioni kombëtar grek ERT.

Spyros Tsardakas, kreu i Drejtorisë së Antidrogës së Athinës komentoi rrugët detare duke sqaruar se skafistët që merren me transportin i gjejmë vetëm në garat e skafeve.

“Këto skafe janë shumë të shpejta, flasim për 60-70 milje më e pakta e shpejtësisë së tyre, vlera e të cilave i kalon 400.000 euro. Nisin nga Shqipëria, mbërrijnë në buzë të Peloponezit, ku mbushen me karburant. Më pas arrijnë në brigjet e Turqisë, dorëzojnë kanabisin, i cili aty ka vlerë më të shtrenjtë, e shkëmbejnë kryesisht me heroinë dhe kthehen pas,” – u shpreh Tsardakas.

Këta skafistë preferohen kryesisht nga grupet kriminale shqiptare, greke, italiane dhe spanjolle.

“Kemi evidentuar shqiptarë, të cilët ne i kishim objektiv për veprimtarinë e tyre kriminale dhe që në vazhdim kanë vepruar në zonën e Spanjës. Koha më e përshtatshme e veprimtarisë së gomoneve me drogë, sipas reportazhit, është ajo kur deti është 6-7 ballë me qëllim që ato mos të kapen nga autoritetet,” – shtoi Tsardakas.