Detaje të reja dalin në pah nga arrestimi i bujshëm i bosit të Cosa Nostra, Matteo Messina Denaro.
Denaro u arrestua në klinikën e quajtur “Madalena” në Palermo, ku po trajtohej me kimioterapi ndaj kancerit.
Sipas mediave italiane mafiozi famëkeq italian do ta vijojë kurimin nga burgu ku do të vuaj dënimin.
“Ai u arrestua në klinikën “Madalena” në Palermo, ku thuhet se po merrte një cikël kimioterapie për të kuruar një tumor. Shumë kanë pritur këtë lajm nëse Matteo Messina Denaro do të përfundonte në burg. Vetë prokurori De Lucia ka thënë se Denaro do t’i vijojë kurat në strukturat e burgjeve të Italisë. Pasi nuk e dimë ende në cilin burg do të përfundojë ai. Një gjë është e sigurt se ai do të përfundojë në sistemin 41 bis”, shkruajnë mediat italiane.
