Policia Rrugore e Tiranës ka publikuar pamjet e disa momenteve kur janë konstatuar shkelje të rregullave të qarkullimit nga drejtuesit e mjeteve.
Sipas Policisë Rrugore kontrollet e shtuara janë bërë me qëllim rritjen e sigurisë rrugore në kryeqytet.
Ndërsa raporton se gjatë javës që lamë pas goditi 11 raste të tentativës për të korruptuar punonjësit e Policisë, me qëllim shmangien e masës administrative për shkeljen e kryer.
-42 persona janë arrestuar për drejtim mjeti në gjendje të dehur apo pa leje drejtimi, për mitëdhënie dhe për shkelje të tjera.
-194 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.
Mësohet se janë vendosur 6.687 masa administrative, me një mesatare 930 masa në ditë, për drejtim mjeti nën ndikimin e pijeve alkoolike, për parakalime të gabuara, për përdorim të aparati celular, për mosvendosjen e rripit të sigurimit, për shpejtësi tej normave të lejuara, për shkelje të semaforit, për mosdhënie përparësisë këmbësorëve, për xhama të zinj, për mosvendosjen e kaskës mbrojtëse, për qëndrime të gabuara etj.
Policia rrugore ka informuar gjithashtu se:
-Janë bllokuar 28 automjete, për mungesë dokumentacioni apo me targa të huaja, të cilat i kanë kaluar për verifikime të mëtejshme Seksionit kundër Trafiqeve të Paligjshme në DVP Tiranë.
-Janë hequr 8 palë targa të modifikuara, që nuk i përkisnin mjeteve ose ishin të çregjistruara nga vendet e origjinës
