Kryeministri Edi Rama ka reaguar një ditë pas arrestimit të ish-ministrit të qeverisë së tij dhe ish deputetit të Partisë Socialiste.
Rama ka reaguar për herë të parë për arrestimin e ish-ministrit të Mjedisit dhe këtë e ka bërë pas një komenti që i ka bërë një qytetar në rrjetin social “Facebook”.
Personi që i ka komentuar i është referuar daljes për shtyp që kreu i PD bëri disa orë më parë në selinë blu.
Komentuesi: Zoti K/Minister. Ne konferencen per shtyp qe dha Lulzim Basha para gazetareve, ahuzat e tij ishi shume te renda. Ne adrese te tij pati mjaft por me dredhiy
Më pas ka ardhur edhe përgjigja e kryeministrit, i cili shkruan se ndalimi nga SPAK i ish-ministrit nuk i ka bërë përshtypje pasi sipas tij investimi në Elbasan është, në sy të të gjithëve.
Rama gjithashtu shkruan se kjo është një çështje e drejtësisë, nuk është politike, partiake apo kolektive, por është çështje individuale.
“Por qe t’i pergjigjem thelbit te komentit tend, edhe impiantet moderne te perpunimit te mbetjeve, qe i kane hapur rrugen e shpetimit afatgjate nga ndotja e rende e plehrave zones se Elbasanit, Tiranes e Fierit gjithashtu, edhe Reforma ne Drejtesi po se po, jane vepra te shumices sone qeverise per te cilat une jam e do te jem gjithnje krenar, keshtu qe euforia baltosese e atyre qe bejne politike me akuza e me moton shpif e shpif se dicka do mbetet, per arsye te ndalimit dje nga SPAKU te ish-ministrit te mjedisit, nuk me ben asnje pershtypje, sepse nga njera ane investimi ne Elbasan eshte aty, ne syte e te gjitheve e ne baze te kontrates tanime ai eshte prone publike e bashkise se Elbasanit qe do te sherbeje per te vazhduar mbrojtjen e zones nga ndotja, ndersa nga ana tjeter ceshtja e ish-ministrit me SPAK-un dhe drejtesine, nuk eshte as ceshtje politike, as ceshtje partiake, as ceshtje kolektive, po ceshtje individuale. Ne nuk e kemi udhehequr dhe nuk e mbeshtesim pa kushte Reformen ne Drejtesi, si pale politike po si force udheheqese politike e morale e shqiptareve pa dallim, keshtu qe per mua e per Partine Socialiste mbetet e pandryshuar vija e kuqe e dites se pare ne detyre: Cilidoqofte, pa dallim partie duhet te perballet vete me drejtesine! Dhe cilindoqofte nder ne, qe merret si i pandehur nga organet e pavarura te drejtesise, duhet te ballafaqohet me drejtesine bashke me avokatin e vet, sepse Partia Socialiste nuk eshte zyre avokatie e askujt prej nesh dhe deri ne vendimin perfundimtar gjyqesor, askush nder ne qe ka pune me drejtesine nuk mund te jete pjese e familjes sone politike. Kaq.
Kjo eshte Partia Socialiste. Ky jam une miku im. Te pershendes!”-shkruan Rama.
