Pjesë e diskutimit në takimin mes Grabiel Escobar, të dërguarit të SHBA për Ballkanin dhe kreut të PD Lulzim Basha ka qenë edhe vendimi i SHBA për shpalljen non grata ish-kryeministrin Sali Berisha.

Basha nuk dha detaje, por u shpreh se mbi vendimet dhe qëndrimet e DASH do të flasë drejtpërdrejtë Escobar.

“Padiskutim që çështja e pandëshkueshmërisë sikundër politikat e sanksioneve “non grata”, ishin pjesë e diskutimit ndërsa sa i përket çështjeve që i takojnë vendimeve të Departamentit të Shtetit jam i bindur që do të keni mundësinë të dëgjoni drejtpërsëdrejti nga Escobar qëndrimet e Departamentit Amerikan të Shtetit”, tha Basha.