Kryeministri Rama ka folur gjatë në seancë plenare për masat e marra për riatdhesimin e qytetarëve shqiptarë, që mbetën jashtë kufivje të vendit, për shkak të situatës së pandemisë së koronavirusit.Por Astrit Bojken tregon, se prej 9 ditësh ndodhet i karantinuar në një hotel në Korcë, i kthyer nga Greqia përmes Kapshticës. Ai thotë, se nuk ndjehet mirë me shëndet, por askush nuk është kujdesur për të, për të marrë shërbim shëndetsor.Gazetarja e Stop lidhet me drejtorin e Njësisë Vendore të Kujdesit Shëndetsor të Korcës, Mikel Llogori,i cili tha se mjekët shkojnë dy herë në ditë për kontroll dhe monitorimin e ujit të pijshëm e kushteve të higjenës.Por për rastin në fjalë, ai tha, se do të interesohet dhe do të kërkojë që situata të zgjidhet menjëherë.Pas kësaj, denoncuesi Astrit Bojken thotë, se situata u zgjidh dhe tani cdo gjë është në rregull.