Disa ditë më parë transmetuam rastin e zonjës Aida Lubonja, e cila nuk merrte dot dëftesën e djalit nga shkolla jopublike “Ekonomisti”. Pas këtij momenti nëna e Richardit kaloi në peripeci të tjera, për ta regjistruar djalin në një shkollë publike. Ajo është njoftuar në 18 janar, që nuk është pranuar në gjimnazin publik, shkollën teknike ekonomike me një fletë sqaruese, që zonja ka e lënë në ZVA Tiranë në 3 dhjetor 2019.Zonja Lubonja shkon, që të takojë specialisten, që është marrë me rastin, por Aida Hajdaraj mohon, që të jetë cuar fleta shoqëruese në shkollë dhe letra, ku shprehen preferencat e prindit, është marrë si refuzim e në në këtë mënyrë i është djegur viti Richardit.
Shumë fëmijë të tjerë janë filmuar nga prindërit e tyre, ndërsa kërcejnë dhe argëtohen me nisjen e emisionit “Stop” dhe velinat tona. Në Darëzezë autobusi i shkollës u shërben 90 nxënësve. Në tabelën, që tregon stacionin e policisë kufitare të Kapshticës, është vendosur një cantë shpine. Në tualetin e shkollës “Naim Frashëri” në Durrës, shkruhet, se nuk duhen lënë cezmat hapur,por aty nuk ka as ujë e asnjë shërbim tjetër. Janë këto disa nga episodet, që shfaqen e komentohen në emisionin e sotëm “Stop”, në rubrikën “Hitparade i absurdit shqiptar”.
Më 17 janar të 2020-ës, emisioni “Stop” transmetoi rastin e dy familjeve në Vorë, të Lirie Asllanaj dhe Shefki Hoxha, të prekura nga tërmeti.Në bashkëpunim me Fondacionin “Firdeus” si dhe “ Zepa Natyral” i erdhëm në ndihmë 2 familjeve në vështirësi.Familja e Shefki Hoxhës banonte në cadër kërkoi një strehim, që të fusin kokën.Pas transmetimit të këtij rasti në “Stop” i menjëhershëm ishte edhe reagimi i Kishës Katolike Dioqeza Tiranë Durrës, që mundësuan për këtë familje një kontenier për strehim.Kjo strukturë ka cdo gjë, që kërkon një njësi banimi, dyer, dritare, instalime, priza,tualet dhe dushi.
