Personazhi i sotëm i kameras së fshehtë të emisionit “Stop”, është një “shërues”, i cili i lidh me seksin të gjitha “hallet”. Pavarësisht nga objekti i ankesave të qytetarëve, synimi i tij është, që meshkujt të jenë të shëndetshëm dhe potentë seksualisht. Madje për këtë qëllim, nuk mungojnë as “ushtrimet demonstrative” me të gjithë ata, që i drejtohen. “Stop” sjell 3 raste, që shkojnë të “trajtohen” te Shefqeti. Vajzën e parë e përcjell shpejt. Burrit të dytë i jep këshilla seksuale, për të kuruar impotencën, por edhe të tretit, që ka hallin e xhaxhait në burg, i jep sërish receta seksuale.