STOP – EMISIONI 64 (SEZONI 4) 29 nëntor 2018 Avokatja “zhvat” qytetaren, “Stop” nderhyn e i kthen parate!

Eleni Nakuci, banore në njësinë numër 6, Yzberisht, ka blerë shtëpi tek shoqëria “Aleksandros Shpk” në vitin 2013.Shumë punime u detyrua t’i bënte vetë,por sot shtëpia është e mbuluar nga lagështia e myku. Për këtë arsye nisi procesin gjyqësor dhe mori avokate zonjën Natasha Shehu.Kjo i fundit i kërkoi 1 milionë lekë, të cilat Eleni Nakuci ia dha. Më pas, avokatja Shehu i kërkoi edhe 15 mijë euro nga dëmshpërblimi, që Eleni ia refuzoi dhe hoqi dorë nga kjo avokate.

Veteranet e luftes, dekorata, kujtime e kenge trimerie!

Shumica e majtë festoi sot 74 vjetorin e clirimit të vendit, duke bërë homazhe në Varrezat e Dëshmorëve. Të njejtin ritual kreu dhe opozita, por si zakonisht ditën e djeshme, pasi për datë clirimi, njeh 28 nëntorin.Gazetarja e “Stop” realizoi intervista me veteranë të luftës, të cilët si cdo vit kanë nxjerrë dekoratat e i kanë vënë në kraharor dhe që në mëngjez kanë kryer homazhe në Varrezat e Dëshmorëve.

Ankese ne Dhomen e Avokateve, Natasha Shehu detyrohet te ktheje parate!

Avokatja Shehu refuzoi t’i kthente paratë, që kishte marrë paradhënie.Pas shumë konfliktesh e debatesh, Eleni iu drejtua Dhomës së Avokatëve, që vendosi, që avokatja të kthejë 700 mijë lekë.Pas këmbënguljes së gazetares së emisionit “Stop”, Eleni Nakuci arrin të marrë paratë e veta.

Të Fundit