STOP – EMISIONI 35 (SEZONI 4) 19 tetor 2018 “Stop” marton djalin nga Tirana me shtetasen sllovake – Stop
STOP

STOP – EMISIONI 35 (SEZONI 4) 19 tetor 2018 “Stop” marton djalin nga Tirana me shtetasen sllovake

Marin Halka nga Tirana, tregon në “Stop”, si u njoh në Vienë me një vajzë sllovake, me të cilën vendosën të venë kurorë.Por në njësinë numër 1 nxjerrin një problem, që vjen, pasi që nga viti 2005 shteti sllovak ka hequr statusin në certifikatë.Tani duhet, që dokumenti të legalizohet nga konsulli dhe të jetë i vulosur.Gazetarja e “Stop” endet nëpër zyra, në kosullatën sllovake, ministrinë e jashtme dhe gjendjen civile e fund, arrin të shpallë martesën e Marinit, duke shpërndarë edhe llokume sic e do tradita.

Fier, e regjistrojnë gabimisht mashkull, duhet ta zgjidhë në gjykatë

Viron Muhametaj, nga Fieri, ankohet në “Stop” dhe denoncon faktin, se mbesa e tij, Qelibare Muhametaj, në gjendjen civile të qytetit rezulton mashkull.Ai ka vetëm një kërkesë, që vajza të regjistrohet, sic i takon.Punonjësja e gjendjes civile Klodiana Kasemi, thotë, se është bërë një gabim njerëzor në regjistrim, që korrigjohet vetëm duke shkuar në gjykatë. Në një përgjigje zyrtare edhe drejtoria e gjendjes civile në Ministrinë e Brendshme, tregon derën e gjykatës, por nuk shpjegon, se kush paguan për gabimin e saj.

Mokër, varfëria në familjen Cosolli, Stop e fundjava apel për ndihmë

“Stop” është ndalur këtë herë në fshatin Cezmë e Vogël në Mokër, me historinë e trishtë të varfërisë në familjen Cosolli.Anisa, Andi e Marisol janë 3 fëmijët e ciftit, që lufton për mbijetesë. Ata kanë 6 vjet pa ujë e drita, ndërsa muret e shtëpisë mund të bien nga casti në cast, duke i zënë brenda. ‘Stop” e “Fundjava ndryshe” bëjnë apel, për të ndihmuar këtë familje me një shtëpi të re më afër qytetit.

 

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *