STOP-EMISIONI 148(SEZONI 7) 29 Mars 2022-Misteri i varjes se 33 vjecares te Kodrat e Liqenit dhe akuza e se emes. – Stop
STOP

STOP-EMISIONI 148(SEZONI 7) 29 Mars 2022-Misteri i varjes se 33 vjecares te Kodrat e Liqenit dhe akuza e se emes.

Vjollca Dashi denoncon në “Stop” historinë e saj të dhimbshme. Në 17 gusht 2021 rreth orës 19:00 merr lajmin më të kobshëm të jetës së saj. Vajza e vetme kishte ndërruar jetë. Edhe pse i thanë, se vajza ishte gjetur e varur te kodrat e liqenit, Vjollca deklaron, se dyshon, që të bijën e ka vrarë ish-bashkëshorti i saj Erald Bodini, i cili edhe më parë e kishte kërcënuar me atë. Vajza ishte divorcuar prej tij para dy vjetësh, por marrëdhënia mes tyre nuk ishte shkëputur. 7 muaj pas ikjes nga jeta të Doralda Dashit, prindërit e të ndjerës nuk dinë, se cfarë ka ndodhur me vajzën e tyre. “Stop” sjell ditën e fundit të jetës së 33 vjecares, që nga momenti i daljes nga shtëpia, e deri kur mori leje pak më herët në punë, për t’u gjendur e varur në pemë, pasditen e 17 gushtit.Vjollca akuzon OPGJ Artan Llupa për pishje të hetimeve. Canta e viktimës nuk u mbajt si provë materiale, por iu dha prindërve të të ndjerës.

Të premten transmetuam një problem në shkollën e Mesme të Bashkuar “Mihal Nako”, në Fier-Seman.Rivier Belliu, mësues në këtë shkollë, denoncoi largimin nga shkolla të një nxënësi me aftësi të kufizuara. Emiljano Lici, qershorin e kaluar mbushi 18 vjec dhe nisi vitin shkollor në shtator, por në 27 tetor e larguan, duke thënë, se kishte mbushur moshën. Rivier Belliu tha, se Emiljano Lici është nxënës shumë i dashur me sindromën down dhe epilepsi. Ai është jetim dhe jeton me babain dhe vëllain e sëmurë.Titullarja e shkollës, u justifikua, duke thënë, se ka zbatuar udhëzimin për kriterin e moshës. Drejtori i ZA Divjakë, Llazar Stase tha, se problemi u kap me vonesë dhe fajin e ka drejtoresha e shkollës.Stase u shpeh, se djali u largua për sjellje agresive, ndërkohë që punonjësja sociale e shkollës dhe e njësisë, sqaroi, se këto dy muaj kanë ardhur ankesat për djalin dhe jo më parë.Pas transmetimit të këtij rasti, i menjëhershëm ishte reagimi i MAS. Ministrja Evis Kushi shprehet, se drejtoresha e shkollës dhe drejtori i Zyrës Arsimore të ZA-së Divjakë janë pezulluar ndërsa nxënësi Emiljano Lici i rikthehet bankave të shkollës qysh këtë të hënë. Ditën e djeshme “Stop”, bashkë me titullaren Flutura Mece, të Drapt Fier, inspektoren e arsimit, mësuesin ndihmës si dhe psikologun e shkollës, e dërguan në shkollë Emiljano Licin.

Lidhur me vdekjen e mistershme të 33 vjecares Doralda Dashi, e cila u gjet e varur në një pemë në kodrat e liqenit të Tiranës, “Stop” ishte në vendngjarje dhe konstatoi, se pemët janë prerë dy ditë pas tragjedisë. Ky fakt shton dyshimet për fshehjen e një krimi.7 muaj më pas, ngjarja ka kaluar në 3 prokurorë, por asgjë nuk është bërë. Prindërit e viktimës nuk janë thirrur kurrë as për të dhënë një dëshmi. Ndërsa si provë e vetme ka mbetur celulari i Doraldës, që mund të ketë bisedat me ish-bashkëshortit dhe të gjurmojë lëvizjet e saj.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *