STOP – EMISIONI 11 (SEZONI 3) – Stop
STOP

STOP – EMISIONI 11 (SEZONI 3)

Nostalgjikët e Festës së Pezës dhe “fshesa” në rradhët e administratës…
Një shkresë paralajmëruese, që mund të ndryshojnë apo humbasin vendin e punës, u ka shkuar ditët e fundit të gjithë punonjësve të administratës publike. Por ky dokument si për ironi të fatit, motivohet me shkrirjen dhe ristrukturimin e disa ministrive dhe u ka vajtur edhe punonjësve të ministrive, që nuk ndryshojnë. Pak ditë më parë veteranë e nostalgjikë të komunizmit përkujtuan konferencën e Pezës. “Stop” ka realizuar intervista me humor me disa nga protagonistët e kësaj feste.

Pijet “vrastare” të “Briland Shkodër”, ku prodhohen, falsifikohen e si na serviren?!…
Një javë më parë “Stop” transmetoi rastin e firmës “Osumi food”, që prodhonte produkte ushqimore në një ambient, me kushte të mjerueshme higjeno-sanitare. Këtë rradhë në rrjetën e kamerave të emisionit, ka rënë firma e pijeve “Briland Shkodër”, që nxjerr në treg që nga vera, pijet e forta: whiskey, vodka, xhin, e deri tek vaji i ullirit ekstra i virgjër me kuti në gjuhën italiane, apo uthull, biter e deri majonezë.Një qytetar i interesuar i drejtohet magazinave të firmës në qytetin e Shkodrës dhe pronari i saj i premton, të “prodhojë” cfarëdo lloj cilësie, që t’i kërkohet dhe me kosto të ulët. Pasi bëjnë pazaret, pronari i kërkon qytetarit, që të shprehet, se produktet ia sjell një shok me makinë nga Italia…?!

Zonat pranë hekurudhës pa sinjalistikë marrin jetë njerëzish!
Javën e kaluar një person humbi sërish jetën në shinat e trenit në linjës Tiranë-Durrës.”Stop” i rikthehet problematikës së ngritur në fund të muajit maj, për mungesën e sinjalistikës në zonat, ku kalon hekurudha.3 muaj më pas, në Domje mungon sinjalistika, edhe pse në “Stop” u deklarua, se do të ndërhyhej.Gazetarja e emisionit ritakon drejtorin e urbanistikës në bashkinë e Vorës, Luan Beta, i cili ia atribuon zgjidhjen drejtorisë së hekurudhës. Ndrësa kjo e fundit jozyrtarisht shprehet, se problematika do të ketë marrë zgjidhje brenda 10 shtatorit. Disa ditë pas këtij afati, gjendja është në pikën fillestare.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *