Peshkarexha me 25 mijë litra naftë u bllokua në Durrës, vëllezërit e arrestuar: Karburantin e kemi për punën tonë – Stop
Aktualitet, Lajme, Të Gjitha

Peshkarexha me 25 mijë litra naftë u bllokua në Durrës, vëllezërit e arrestuar: Karburantin e kemi për punën tonë

25.000 litra naftë e dyshuar kontrabandë janë sekuestruar në Portin e Durrësit.

Burime për abcnews.al bëjnë me dije se aksioni është zhvilluar nga struktura doganore Antikontrabanda Detare në bashkëpunim me policinë kufitare në Durrës.

Në pranga kanë rënë dy vëllezërit nga Kavaja, Shpëtim Canin, 43 vjeç, banues në Durrës, me detyrë kapiten, si dhe Roland Canin, 41 vjeç, me detyrë marinar i anijes peshkatore “LEON”.

Por, në dëshminë e tyre vëllezërit kanë mohuar që nafta ka qenë kontrabandë.

“Karburantin e kemi për anijen tonë, nuk kemi kryer asnjë shkelje. siç e patë edhe vetë nuk kishim sajuar depozita, por vetëm depozitën e mjetit”, kanë thënë vëllezërit në dëshminë e zbardhur nga Abc.

Mësohet se peshkarexha vinte nga vendet e Lindjes, ndërsa dyshohet se nafta ishte planifikuar për t’u hedhur në tregun e brendshëm.

Kujtojmë se më 23 korrik, policia sekuestroi 80 mijë litra karburant të futur kontrabandë përmes një peshkarexhe në port. Anti-kontrabanda detare po vijon kontrollet intensive, duke u fokusuar tek mjetet lundruese.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *