Ngjarje tragjike/Ushtari vritet nga dreri në pallatin presidencial

Një ushtar paraguaian ka vdekur pasi u sulmua nga një dre në kopshtet e pallatit presidencial të vendit.

Rreshteri Victor Isasi, 42 vjeç, vdiq si pasojë e plagëve të shkaktuara nga brirët e drerit, tha ushtria.

Dreri ishte një dhuratë për rezidencën presidenciale pranë kryeqytetit, Asunción. Një zëdhënës i pallatit presidencial tha se zakonisht dreri mbahej në një zonë të veçantë me kafshë të tjera të egra.

Kamerat e sigurisë kanë kapur momentin kur ushtari iu afrua drerëve përpara se të sulmohej.

“Në kamerën e sigurisë mund të shihni [rresherin] duke hyrë në sektorin ku janë këto kafshë dhe ai bën një lëvizje [ngre dorën] që provokon reagimin e drerëve,” tha zëdhënësi ushtarak, kolonel Victor Urdapilleta.

Ai tha se Isasi kishte qenë në patrullë rutinë kur sulmi ndodhi në orët e para të së martës.

Kafsha ishte një dre nga India, tha për mediat lokale Drejtori i Kafshëve të Egra në Ministrinë e Mjedisit, Frederick Bauer. Është një nga shumë kafshët që mbahen në kopshtet prej 10 hektarësh (24 hektarë) të rezidencës zyrtare të Presidentit Mario Abdo Benitez.

Urdapilleta tha se zyrtarët përgjegjës për kopshtet ishin konsultuar me ministrinë e mjedisit përpara se të merrnin drerët.

Të Fundit