Ministrja Ibrahimaj: Do kontrollojmë jo vetëm çmimin, por edhe peshën e bukës – Stop
Aktualitet, Të Gjitha

Ministrja Ibrahimaj: Do kontrollojmë jo vetëm çmimin, por edhe peshën e bukës

Pas vizitës në një supermarket në Tiranë, kryeministri Rama dhe ministrja e Financave Delian Ibrahimaj, kanë vizituar një furrë buke.

Gjatë fjalës së saj, ministrja e Financave paralajmëroi bizneset e furrave të bukës se task forca e ngritur nga qeveria për rritjen e çmimive do të monitorojë, jo vetëm çmimin e bukës, por edhe peshën e këtij produkti.

Po ashtu ajo rekomandoi që furrat e bukës të kishin një peshore afër kasës në mënyrë që konsumatori të marrë atë që paguan.

“Çdo furrë buke ka detyrimin të afishojë çmimin e bukës dhe peshën. Gjatë kësaj periudhe ka patur ankesa të ndryshme që furrat e bukës nuk e respektojnë peshen. Çmimet po rriten dhe ka një shqetësim për rritjen e çmimve, asnjë tregtar të mos abuzojë me peshat dhe çdo konsumator të marrë atë që paguan. Ne nëpërmjet task forcës do kemi shumë kujdes të mbikqyrim dhe peshat në mënyrë që konsumatori të marrë atë që blen. E mira do ishte që afër kasës të kishte dhe një peshore, ku konsumatori ta shoh dhe të marrë atë që paguan”, tha Ibrahimaj.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *