Më shumë milionerë, pandemia rriti numrin e të pasurve, ‘fundosen’ të varfrit

Ndonëse pandemia shkaktoi përçarje të mëdha në ekonominë globale, numri i milionerëve gjatë vitit që lamë pas u rrit me 5.2 milionë.

Duke iu referuar Raportit vjetor të Pasurisë Globale të ‘Credit Suisse’, nga uljet emergjente të normave të interesit dhe masat stimuluese të qeverive, shpesh përfitonin ata që kishin më pak nevojë për mbështetjen e shtetit, duke ndihmuar që pasuritë e tyre të rriten përkundrejt rënies ekonomike.

Rritja e çmimeve të pronave të patundshme dhe tregjet e aksioneve luajtën po ashtu rolin e tyre.

Milionerët e dollarit, për herë të parë në histori tani përbëjnë më shumë se 1% të popullsisë globale.

Gjatë këtij viti pandemie u theksuan disnivelet e larta mes të pasurve dhe të varfërve, pasi ata që tashmë kishin fitime më të ulëta pësuan humbje të vendeve të punës dhe një rënie të të ardhurave për shkak të ngadalësimit ekonomik.

Në total, pasuria globale u rrit me 7.4% në vitin 2020, me fitime që i atribuohen kryesisht rritjes në SHBA, Evropë dhe Kinë, ndërsa pasuria e përgjithshme në Amerikën Latine dhe Indi pësoi rënie.

 

Të Fundit