Ylli turk i popit në Stamboll, Gulsen Colakoglu është burgosur me akuzat për “nxitje ose fyerje të publikut për urrejtje dhe armiqësi” pasi ajo bëri një shaka me shkollat fetare në Turqi, sipas agjencisë shtetërore të lajmeve Anadolu.
Akuzat duket se lidhen me një video që qarkulloi në mediat sociale nga një koncert i Gulsen në prill, kur ajo bënte shaka për një nga muzikantët.
Ai “u diplomua në Imam Hatip (shkolla fetare), nga atje vjen dhe perversiteti i tij.,” tha ajo.
Disa përdorues të Twitter mund të shihen duke shpërndarë videon të enjten me një hashtag që bën thirrje për arrestimin e saj dhe duke thënë se është fyese të lidhen shkollat me perversët.
Gulsen mohon se ajo ka kryer ndonjë krim dhe po apelon arrestimin, sipas avokatit të saj Emek Emre.
Pas ndalimit të saj, Gulsen ndau një mesazh në llogaritë e saj zyrtare në Tëitter dhe Instagram, duke i kërkuar falje “kujtdo që u ofendua” nga shakaja dhe duke thënë se ajo ishte shtrembëruar nga “njerëz keqdashës që synojnë të polarizojnë vendin tonë”.
“Bëra një shaka me kolegët e mi, me të cilët kam punuar për shumë vite. Është publikuar nga njerëz që synojnë të polarizojnë shoqërinë”, tha ajo.
Ajo më vonë tha në një dëshmi se ishte një “shaka” dhe kërkoi të lirohej, duke thënë se kishte një fëmijë dhe se do të vinte në gjykatë ose në një stacion policie kur të ishte e nevojshme, sipas Anadolu.
Gulsen ka qenë më parë në shënjestër të grupeve konservatore turke për veshjet e saj të dukshme në skenë dhe mbështetjen për komunitetin LGBTQ.
Vendi me shumicë myslimane është zyrtarisht laik, por shumë i polarizuar për çështjet që lidhen me sekularizmin, fenë, të drejtat e grave dhe të drejtat LGBTQ.
Shkollat e Imam Hatipit, të cilat mësojnë studime fetare së bashku me kurrikulën turke, janë rritur në dy dekadat që Partia Konservatore për Drejtësi dhe Zhvillim (AKP) ka qenë në pushtet. Shkollat njihen për trajnimin e të rinjve për t’u bërë imamë ose predikues. Presidenti turk Rexhep Tajip Erdogan ndoqi shkollën, si dhe shumë anëtarë të partisë AKP.
