DHËRMI
Në orën 01:00 pas mesnate, në Drimadas së Dhërmiut janë djegur rreth 60 shezlongë në pronësi të shtetasit BD.
Lajmi bëhet i ditur nga Policia e Shtetit, e cila thotë, se grupi hetimor po punon për zbardhjen e rrethanave të ngjarjes.
Njoftimi i Policisë:
Detaje të reja kanë dalë pas ngjarjes së regjistruar në mesnatë në Dhërmi, ku janë djegur 60 shezlonge të një biznesi të vogël në pronësi të shtetasit Bilbil Domi.
Mësohet se ngjarja ka ndodhur në kohën kur 55-vjeçari Bilbil Domi i kishte mbledhur shezlongët për t’i hapur ditën e nesërme, pasi sapo kishte marrë lejen e shfrytëzimit të plazhit.
55-vjeçari ka deklaruar në polici se nuk mund t’i vërë gishtin askujt, por ka pasur pakënaqësi nga bizneset përreth. Sipas të dhënave paraprake dyshohet se shkak i konfliktit ka qenë konkurrenca. Ndërkohë për ngjarjen ende nuk ka asnjë të shoqëruar nga policia.