Gjendet trupi i 48-vjeçares që kishte rënë në shpellë në Malësi të Madhe – Stop
Lajme, Të Gjitha

Gjendet trupi i 48-vjeçares që kishte rënë në shpellë në Malësi të Madhe

Në një video të dërguar në emisionin “Stop”me 25 Dhjetor 2021,banorët shprehen se kanë lajmëruar autoritetet që mbrëmë në darkë dhe ende nuk është gjetur trupi i 48-vjeçares. Ata bëjnë thirrje për ndihmë, pasi i kanë provuar të gjitha mundësitë për t’u futur në shpellë.

Forcat RENEA kanë nxjerrë nga gryka e shpellës trupin e pajetë të 48-vjeçares Sh.H. në fshatin Meshqerraj të Malësi të Madhe.

Trupi i pajetë i gruas u gjet mëngjesin e kësaj të diele pas mbërritjes së forcave RENEA dhe FNSH-së me mjete të specializuara.

Në kushte shumë të vështira, shërbimet e policisë kanë mundur të hyjnë në vendin ku dyshohej se ishte trupi i të ndjerës. Pas kërkimeve, gjetën viktimën dhe mundën ta nxirrnin.

Policia thotë se 48-vjeçarja dyshohet që të jetë hedhur  vetë në shpellë.

Megjithatë hetimet vijojnë për të zbardhur këtë ngjarje dhe për të sqaruar motivet.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *