Historia, që sollëm dy ditë më parë ishte ajo e një zonje, e cila prej 1 viti e gjysmë dhunohej nga ish-bashkëjetuesi i saj.Gruaja ka një djalë 15 vjec dhe një tjetër 3 vjec, të ardhur në jetë nga marrëdhënia me agresorin Ervin Hysolli.Përplasjet nisën për arsye financiare, pasi Ervini nuk kishte punë dhe para.Një nga herët dhuna u bë e tillë, saqë zonja përfundoi në spital e më pas në komisariatin numër 3, ku bëri denoncim.Megjithatë pas pak orësh, Ervin Hysolli u l i lirë. Pas transmetimit tonë zonja thotë, se e ka marrë në telefon Shërbimi Social, për t’i ofruar ndihmë.Avokatja Margarita Kola shpjegon gabimet në prodedurat e ndjekura nga prokuroria.

Lidhur me rastin e gruas së dhunuar nga ish bashkëjetuesi,Gjykata e Rrethit gjyqsor Tiranë caktoi 30 shtatorin, për shqyrtimin e cështjes. Gjithashtu ka një reagim nga ana e Koordinatores vendore kundër dhunës në familje në Bashkinë e Tiranës, Anjeza Bojaxhiu, e cila thotë, se nëna me fëmijët do të vlerësohen për shërbime mbështetëse, këshillim falas, konsulta etj. Edhe Avokati i Popullit me iniciativë ka ofruar mbrojtje ligjore dhe strehim për zonjën. Vilma Shurdha,Komisionere e Seksionit të Përgjithshëm tek Avokati i Popullit, shprehet, se është marrë kontakt me zonjën dhe nisën hetimet ligjore, se si janë ndjekur procedurat. Zonjës i është ofruar konsulence ligjore falas si dhe iu propozua akomodim.