Dhanë raporte të aftësisë për punë në këmbim të rryshfetit, largohen nga puna dy mjekët që denoncoi emisioni STOP – Stop
KLIPET

Dhanë raporte të aftësisë për punë në këmbim të rryshfetit, largohen nga puna dy mjekët që denoncoi emisioni STOP


Pas pamjeve të publikuara nga emisionin investigativ Stop në TV Klan, ku dy mjekët E. B dhe F. D në Qendrën Shëndetësore ‘Bathore’, janë regjistruar në akte korruptive, Ministria e Shëndetësisë dhe Mbrojtjes Sociale, nëpërmjet strukturës së saj, Operatorit të Kujdesit Shëndetësor Tiranë ka vendosur largimin nga detyra të dy mjekëve.

Operatori i Kujdesit Shëndetësor Tiranë ka dhënë masat si më poshtë:

Largim nga puna për mjekun E. B;
Largim nga punë për mjeken F.D;
Për shkelje të rëndë dhe në mënyrë flagrante të detyrave të përcaktuara nga kontrata individuale e mjekut të përgjithshëm.
Vërejtje për drejtorin e Qendrës Shëndetësore ‘Bathore’: Për moszbatimin siç duhet të detyrave funskionale të përcaktuara nga Statuti i qendrës shëndetësore.
Duke falenderuar emisioni STOP për denoncimin publik, strukturat e Shëndetësisë ju kërkojnë qytetarëve t’ju nënshtrohen vizitave përkatëse për të marr raportin e aftësisë për punë, duke mospranuar të japin rryshfet në këmbim të këtij shërbimi që ofrohet falas. Ministria e Shëndetësisë dhe Mbrojtjes Sociale fton gjithashtu qytetarët të denoncojnë çdo rast abuziv me të cilin mund të përballen në sistemin shëndetësor.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *