Bashkia Fier: Për të kursyer energji, do të nisim kufizimin e furnizimit me ujë – Stop
Aktualitet, Të Gjitha

Bashkia Fier: Për të kursyer energji, do të nisim kufizimin e furnizimit me ujë

Bashkia e Fierit përmes një postimi në rrjetin social “Facebook”, ka njoftuar qytetarët se për të kursyer energji, Ujësjellës Kanlizime Fier, në bazë të një plani të mirëstudiuar do të nisë aplikimin e kufizimit të furnizimit me ujë.

Po ashtu në njoftim thuhet se kjo masë po merret edhe për të mos rritur çmimin e ujit si efekt të krizës energjitike

“Jemi duke përjetuar një situatë të vështirë energjitike, e cila ka përfshirë të gjithë rajonin. Kjo situatë na prek të gjithëve. Secili prej nesh duhet të limitojë konsumin e energjisë në punë e familje, pasi çdo kë i kursyer vlen në këtë kohë. Për ketë arsye edhe Ujësjellës Kanlizime Fier, në bazë të një plani të mirëmenduar dhe të mirëstudiuar, për të kursyer energji, por edhe për të mos rritur çmimin e ujit si efekt të krizës energjitike do të nisë aplikimin e kufizimit e furnizimit me ujë deri në përmirësimin e situatës.

Shpresojmë në mirëkuptimin tuaj, gjithashtu edhe që kjo situatë të kalojë sa më shpejt.Faleminderit!”, shkruan Bashkia e Fierit.

 

 

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *