Policia ka arrestuar 30-vjeçarin Denis Telo pasi ka ushtruar dhunë ndaj 2 vajzave teksa ecnin në rrugë.
Albina Ruko dhe Mirela Ruko, 26 dhe 29 vjeçe, banuese në Rrugën e Bogdanëve janë dhunuar nga 30-vjeçari teksa kalonin në rrugën pranë banesës së tyre.
Arrestimi erdhi pas denoncimit të vajzave dhe publikimit në rrjetet sociale të videos së dhunës ndaj tyre.
Mësohet se ndaj Telos janë bërë më herët edhe 8 denoncime të tjera për dhunë pa arsye ndaj kalimtarëve. Disa muaj më parë ai është arrestuar dhe më pas është lënë i lirë.
