Një shpatë që besohet se i përkiste një kalorësi rreth 900 vjet më parë është gjetur nga një zhytës amator në brigjet veriore të Izraelit.

Tehu i shpatës një metër (3.3ft) u zbulua nga Shlomi Katzin dhe iu dorëzua autoriteteve. Mendohet se shpata, u shfaq përsëri pas zhvendosjes së rërës.

Autoriteti Antik i Izraelit (IAA) tha se pasi të pastrohej dhe analizohej, do të vihej në shfaqje publike.

“Shpata, e cila është ruajtur në gjendje të përsosur, është një gjetje e bukur dhe e rrallë dhe duket se i përkiste një kalorësi”, tha Inspektori i Njësisë për Parandalimin e Grabitjeve të IAA Nir Distelfeld.

“Është emocionuese të hasësh një objekt të tillë personal, duke të çuar 900 vjet mbrapa në kohë në një epokë tjetër, me kalorës, forca të blinduara dhe shpata”.

Kryqtarët luftuan në një sërë luftërash fetare të njohura si Kryqëzatat, të cilat u sanksionuan nga Kisha Katolike Romake në periudhën mesjetare.

Kryqëzatat më të njohura ishin fushatat në Mesdheun lindor që kishin për qëllim rimëkëmbjen e Tokës së Shenjtë nga sundimi mysliman.