Një 19-vjeçar është arrestuar në Durrës, pasi është kapur duke vënë baste sportive nëpërmjet celularit.
Policia bën me dije se në pranga ka rënë i riu B. G., banues në Durrës dhe akuzohet për veprën penale “Organizimi ose ushtrimi i veprimtarive të lojërave të fatit në kundërshtim me ligjin”.
19-vjeçari u kap në flagrancë nga shërbimet e Policisë, në lokalin në pronësi të tij, duke vënë baste sportive, përmes aparatit celular, i cili u sekuestrua.
Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
