Kryeministri Edi Rama, ka falenderuar shqiptarët në Britaninë e Madhe, me të cilët zhvilloi ditën e djeshme një takim në Londër.

Kreu i qeverisë ka publikuar sot një video me momente nga takimi me shqiptarët, ndërsa shprehet ndër të tjera se “më e mira nuk ka ardhur akoma”.

Kujtojmë se vizita në diasporë organizohet në kuadër të turit të bashkëbisedimit, pas vendosjes të së drejtës së votës për çdo shqiptar jashtë Shqipërisë.

Rama është takuar më parë me shqiptarët që jetojnë në Greqi (dy herë), në Itali, dy vende me numrin më të lartë të emigrantëve shqiptarë, si dhe në SHBA.