Ish-drejtori i morgut në Shkollën Mjekësore të Harvardit është dënuar me tetë vjet burg për trafikim organesh dhe mbetjesh njerëzore, u njoftua të martën.
Cedric Lodge, 58 vjeç, dhe gruaja e tij Denise Lodge, 65 vjeç, të cilët u dënuan me një vit e një ditë burg për ndërmjetësim në shitjen e organeve të vjedhura, u arrestuan në maj 2023.
Cedric Lodge, i cili deri në maj 2023 ishte drejtor i morgut të Shkollës Mjekësore të Harvardit, u akuzua për pjesëmarrje nga viti 2018 deri në vitin 2022 në “një skemë që blinte dhe shiste mbetje njerëzore të vjedhura nga Harvardi dhe një morg i Arkansasit”, sipas drejtësisë amerikane.
Cedric Lodge “kishte hequr mbetje njerëzore, duke përfshirë organe, tru, lëkurë, duar, fytyra dhe koka, dhe pjesë të tjera nga kufomat që ishin dhuruar për qëllime kërkimore dhe edukative”, tha Departamenti i Drejtësisë në deklaratën e tij.
Ai i mori mbetjet mortore “pa dijeninë e punëdhënësit të tij, dhuruesit dhe familjes së dhuruesit” dhe i transportoi ato në rezidencën e tij në New Hampshire.
