Edhe pse ka një vit që është jashtë fushës së futbollit, Neymar nuk humb kohë duke shtuar koleksionin e tij të blerjeve luksoze. Investimi i fundit i kampionit brazilian është një ishull, “Ilha do Japao”, i vendosur në Angra dos Reis (në shtetin e Rio de Zhaneiro) të cilin e ka blerë për 9 milionë dollarë.

Pasi e “provoi” duke qëndruar me qira për 50 mijë dollarë në natë, Neymar i pëlqeu aq shumë sa vendosi të blinte të gjitha 2500 metra katrorë të ishullit. Brenda ka një vilë kryesore + 3 bungalot të shpërndara në të gjithë strehën tropikale e cila mund të strehojë në kushte shumë komode 10 persona.

Në vilë, ndër të tjera, ka edhe një palestër, një fushë tenisi, një spa dhe një kantinë nëntokësore që mund të përmbajë deri në 3000 shishe verë.

Natyrisht për vilen ka edhe staf të përkushtuar, 1 shef kuzhine (ditën), 1 shef kuzhine (natën), 1 shef/kapiten varke për udhëtim, 1 banakier (ditë), 1 banakier (natë), 3 staf për pastrim, 1 punonjës për mirëmbajtje, 1 kopshtar.