Një pije energjike e quajtur cannabis dhe e prodhuar në Gjermani dhe Austri, ka nisur të importohet në vendin tonë me emrin Al Cannabis,që nga gushit 2017.Importuesi, Agim Murati, tregon, se me ngarkesën e parë, që hyri në Morinë, nuk pati probleme. Por në të dytën, në Qafë-Thanë, u bllokua nga Aku e Pogradecit, me dyshimin, se mund të përmbante lëndë të dëmshme narkotike.Cështja u hetua nga prokuroria e Pogradecit dhe gjykata doli në konkluzionin, se pija është e sigurtë.Por odiseja e importuesit nuk u ndal e historia e bllokimit vijoi edhe në pikën e Hanit të Hotit.Në proces verbalin e bllokimit AKU Shkodër, ka shkruar, se pritet urdhër nga lart, edhe pse për rastin në fjalë, kishte vendim gjykate të formës së prerë.Në AKU nuk japin asnjë shpjegim për këtë cështje.Nga ana tjetër, profesor Kapllan Sulaj, që është dhe anëtar i Bordit Shkencor të AKU-së, thotë, se ka vakum ligjor dhe Al cannabis, përmban kërp industrial, gjë që e bën si të gjitha pijet e tjera energjike.