Pas vdekjes së babait, Fatjoni 13 vjeç, Lionda 8 vjeçe, Klesa 11 vjeçe dhe Mislimi 2 vjeç, kanë mbetur në mëshirë të fatit. Fëmijët duhet të ecin çdo ditë 2 orë për të shkuar në shkollë. Të rrezikuar nga rruga e vështirë, që ndodhet në shpat mali dhe nga kafshët e egra, për ta jeta është një sfidë. Familja jeton në varfëri ekstreme në fshatin Tejmollë në qarkun e Kukësit. Të braktisur dhe të izoluar nga çdo gjë, familja ka nevojë urgjente për ndihmë. Emisioni “Stop” dhe “Fundjavë ndryshe”nisin fushatën dhe apelin, për një shtëpi të re, për të strehuar katër fëmijët dhe Shkurten, që është azmatike dhe ka nevojë për mjekim.