Kohë më parë kemi transmetuar problemin e zonjës Dafina Peci, banore e fshatit Gjinar në Elbasan, e cila denoncoi gjyqtaren e Elbasanit, Pajtime Fetahu. Sipas saj, gjyqtarja ka falsifikuar një vendim, duke rritur në mënyrë fiktive sipërfaqjen e tokës së saj në Gjinar.Për të njejtën cështje, Pajtime Fetahu kishte dhënë dy vendime identike, por me sipërfaqje toke të ndryshme. Avokati Clirim Gjata, tha, se është absurde të ketë dy vendime në këtë mënyrë.Prokurorja e Elbasanit, Enkeleida Millonai ia mbylli cështjen gjyqtares Fetahu, duke e nxjerrë pa lagur këtë të fundit.Ne kërkuam një kopje të regjistrit të dispozitivëve, regjistër ku shënohen të gjitha vendimet e gjykatës. Dhe në kopjen e këtij regjistri na rezultoi, se vendimi ka 312.4 dhe jo 383.4 dynymë tokë, provë e pakontestueshme, që tregon falsifikimin e gjyqtares Fetahu.Sot në 2025-ën pronat në fshatin Gjinar të Elbasanit, përfituar nga Peter Topi shumica janë shitur e tjetërsuar. Ne shkuam në Gjinar për të vërtetuar këtë fakt nga banorët e prekur nga vendimi i falsifikuar i Pajtime Fetahut. Në një tjetër rast Besim Debrova denoncon, sesi në mënyrë të cuditshme i zhduket toka e trashëguar nga stërgjyshi, rreth 7 dynymë në Elbasan, duke falsifikuar origjinën e pronës në K.K.P Elbasan. Edhe në këtë rast është përfituar pronë në mes të qytetit të Elbasanit, vend, që njihet si tregu i Pajtime Fetahut. Edhe kjo pronë është grabitur mbi bazën e dokumentave të falsifikuar nga ish gjyqtarja e Elbasanit dhe Prokuroria Elbasan nuk ka nisur një hetim, duke nisur me bllokimin e kësaj pasurie, për të provuar, sesi janë bërë pronarë dy vëllezërit e ish-gjyqtares, për pronën mbi 2500 m2 vetëm për 8 milionë lekë të vjetra.
Pasditen e së dielës nisën reshjet në thuajse mbarë vendin. Ministria e Arsimit njoftoi, se mësimi është pezulluar në 77 shkolla. Nga ana tjetër rrugët në vend kanë mbetur të bllokuara dhe askush nuk është parë t’i pastrojë ato.
Në 26 nëntor 2024 transmetuam rastin e zonjës Floresha Koçi, e cila tha, se prej 25 vitesh ka qenë e martuar me Bledar Koçin dhe prej vitesh është dhunuar prej tij. Por së fundi, pasi ajo zbuloi tradhëtinë e të shoqit, dhuna ndaj saj u shtua. Floresha tregoi edhe video të dhunës, pasi pa të shoqin në makinë me një vajzë.Në një tjetër rast dhune, bashkëshorti Bledari futet në biznesin, që kishin bashkë, kur ai vjen, bën debat dhe e godet 3 herë në kokë, duke e ndjekur në banak, thyer celularin dhe gjuajtur me sende te forta. Edhe ky moment, i fiksuar nga kamerat e sigurisë, ndodh në mes të ditës e në sy të njerëzve. Policia nuk mori asnjë masë. Episodi i fundit ndodhi në Gjykatën e Elbasanit. Bashkëshorti konfliktohet më vëllezërit e saj dhe policia e Elbasanit merr brenda atë dhe katër vëllezërit, duke lënë agresorin sërish të lirë. Gjatë arrestimit, vëllai i madh kalon parainfarkt. Floresha dhe vëllai i sëmurë morën masën arrest shtëpie, ndërsa Bledari sërish u la i lirë. Floresha Koci nuk është viktima e vetme e dhunës nga i shoqi. Nga situata e dhunës e kanë pësuar edhe dy djemtë, sidomos i vogli 13 vjec, që ka tentuar edhe vetëvrasjen.
