Erjon Xhemali tregon, se në vitin 2017 ka firmosur një kontratë paraprake shitblerjeje me firmën “Globus Construction” me bashkëpronarë Sokol Mediaj dhe Spiro Pando, për blerjen e një apartamenti 1+1, në lagjen “Ujë i Ftohtë”, në Vlorë. Pasi bleu dhe mobiloi apartamentin, Xhemali u largua për Itali. Kur u kthye në verën e 2021, gjeti derën e apartamentit të mbyllur nga një zotëri, që pretendonte, se ishte pronari i truallit. Ndërtuesit i thanë, se kishte ndodhur një gabim, por më pas, nuk iu përgjigjën më telefonatave të tij.Xhemali denoncoi rastin në Prokurorinë e Vlorës për marrje prone me mashtrim, por prokuroria vendosi mosfillim të çështjes. Arsyeja ishte, se nuk kishte vepër penale, por një mosmarrëveshje juridiko-civile, që palët mund ta zgjidhnin në gjykatë, sipas kontratës noteriale. Kontrata paraprake dhe pagesat, që ai ka kryer, dokumentojnë qartë plotësimin e detyrimeve financiare nga blerësi, ndërsa kontrata e vitit 2016 midis ndërtuesve dhe pronarit të truallit tregon, se apartamenti ishte pjesë takuese e dikujt tjetër.
Teknologjia po zëvendëson gjithmonë e më shumë njeriun në profesione të ndryshme. Me një menu zgjedhjeje, qytetarët kanë provuar të selektojnë modelin e flokëve dhe më pas të fusin kokën në një automat, për të dalë me flokët e prera në pak minuta.
Eraldi është një qytetar nga Tirana, i cili tregon, se në vitin 2015 bleu një Volkswagen Golf 7 përmes një ndërmjetësi. Një vit më vonë, makina e tij u bllokua nga dogana, pasi rezultoi, se ishte paguar vetëm gjysma e taksave doganore. Eraldi ndërmori veprimet, për të liruar veten nga hetimi, duke provuar, se nuk kishte asnjë përfshirje në kontrabandë, dhe u shpall jashtë hetimit penal. Megjithatë, makina mbetet e bllokuar nga dogana, nuk mund të shitet dhe as të dalë jashtë vendit, ndërkohëqë taksat vazhdojnë të paguhen nga Eraldi.Kur u interesua për statusin e mjetit pranë DPSHTRR, iu tha, se makina kishte bllokim nga dogana dhe duhet të kontaktonte me doganën për veprimet e mëtejshme.Në fakt automjetit i është vendosur një gjobë për kontrabandë, e cila është sa dyfishi i vlerës doganore. Dogana kërkon, që qytetari ta paguajë gjobën, dhe heqja e saj mund të bëhet vetëm nëpërmjet gjykatës administrative. Avokati Klaudi Zholi thekson, se detyrimi nuk i takon qytetarit, për sa kohë personat përgjegjës, jane duke dhënë llogari para drejtësisë.
