Në 25 nëntor trajtuam një histori, që kishte nisur pesë vjet më parë, në një fshat të Beratit, kur një familje prej pesë anëtarësh u shpërbë nga varfëria, emigrimi dhe lufta për mbijetesë e një nëne me një djalë 15 vjeç me autizëm. Ndërsa babai, Eduard Shano, qëndronte prej vitesh në Greqi, gruaja e tij mbeti vetëm në fshat me tre fëmijët. Kushtet dhe mungesa e bashkëshortit, e shtynë të kërkonte divorc. Gjykata e Beratit i la nënës kujdestarinë e fëmijëve, por babai e apeloi vendimin për detyrimet, që i takonin nga vendimi.Situata ekonomike e detyroi familjen të zhvendosej në Tiranë dhe jetesa u bë e papërballueshme. Nëna punonte dy punë dhe nuk arrinte të siguronte terapi për djalin. Ajo kërkoi azil në Francë me dy fëmijët e vegjël, ndërsa vajza e madhe mbeti e vetme në Tiranë, në vitin e tretë gjimnaz. Për shkak të vajzës, nëna u detyrua të kthehej nga Franca.Vajza i kërkoi të atit ndihmë, për të siguruar një shtëpi, por ai refuzoi dhe kërkoi, që djali me autizëm t’i kthehej në fshat. Djali u la nën kujdesin e bashkëjetueses së Eduardit, Behare Ibrushi, dhe fëmijës së saj 9-vjeçar.Muaj më vonë, në shkurt 2025, kur vajza shkoi në fshat për vdekjen e gjyshit, pa në fytyrën dhe trupin e të vëllait, shenja dhune. Të afërmit thanë, se kishte lënduar veten nga vdekja e gjyshit. Rasti u mbyll aty për aty, në bashkëpunim me OPGJ-në, policinë e zonës dhe Shërbimin Social. Djali u la sërish në të njëjtën shtëpi.Në prill 2025, për ditëlindjen e tij, nëna dhe vajza shkuan papritur në fshat. Aty gjetën djalin të kyçur në banjë. Trupi i tij ishte i mbushur me plagë dhe hematoma, madje kishte edhe një gisht të thyer. Vajza njoftoi policinë dhe u bë sërish denoncim për dhunë në familje, ndaj Behare Ibrushit. Mjeku ligjor dha 11 ditë mjekim. Por oficerët e lanë të lirë të dyshuarën, duke krijuar një vatër konflikti, duke i lënë të dyja gratë në të njëjtën shtëpi.Dy ditë më vonë ndodhi një përleshje e dhunshme në oborr, ku u përdor një thikë. Nëna e djalit e plagosi Behare Ibrushin, e cila u shtrua 6 ditë në spital. Ndërsa nëna u arrestua.Ne jemi rikthyer në familjen Shano tek nëna me 3 fëmijët.Shumë qytetarë i kanë ndihmuar ata.
Nga ana tjetër Drejtoria e Përgjithshme e Shërbimit Social, drejtoresha Juvina Qevani, ka nisur procedurat për kalimin e kujdestarisë së 15 vjecarit sërish tek nëna dhe motrat në Tiranë.Kempi dhe ndihmësit, që i takojnë të miturit me problemeve të autizmit, do t’i kalojnë familjes Shano nga Berati në Tiranë nga Shërbimi Social me procedurë emergjente.Ndërsa Ministria e Arsimit ka bërë të mundur regjistrimin e tij në shkollën “Luigj Gurakuqi”, një shkollë speciale për personat me aftësi ndryshe.
Në një takim në Elbasan, demokrati Ervin Salianji është ngjitur drejt podiumit me vetëbesim si një lider i vërtetë. Shoqëruesi i mbante dosjen dhe vraponte t’ia conte në foltore, ndërsa vetë Salianji përshëndeste triumfator me dy gishtat e fitores.
Pas transmetimit në emisionin Stop, është arrestuar në Serbi pas disa muajsh në kërkim Klejvis Metalla, pasi dhunoi partneren e tij shtatzënë, derisa i vrau foshnjën, që ajo kishte në bark.24-vjeçari ishte larguar nga vendi përmes Pikës Kufitare të Bllatës, pas ngjarjes shokuese të ndodhur në Janar 2025, por u vu në pranga në shtetin fqinj dhe pritet ekstradimi i tij drejt vendit tonë.Ndaj tij, në muajin mars 2025, Gjykata e Dibrës caktoi masën e sigurisë “Arrest në burg”, për veprën penale “Plagosja e rëndë me dashje”.Në datë 4 shkurt të 2025 Stop ka denoncuar këtë ngjarje të rënde.23 vjecarja e dhunuar shtazërisht nga partneri dhe e braktisur, shkoi me të ëmën në spitalin e Peshkopisë dhe mjekët njoftuan policinë, që mori dhe denoncimin.Të nesërmen Klejvis Metalla, 24 vjec, u shpall në kërkim, por ndërkohë ishte larguar jashtë Shqipërisë, përmes pikës kufitare të Bllatës. Sipas mjekut gjinekolog, që ka ndjekur rastin, shkaku i abortit, ka ardhur si pasojë e dhunës barbare, ndaj mjekët abortuan fëmijën, për të shpëtuar të renë. Ne morëm edhe versionin e 24 vjecarit, Klejvis Metalla, i cili fillimisht u shmang e më pas akuzoi vajzën si përdoruese droge. Por ai u detyrua të pranojë, se atë pasdite, ka marrë me makinën e tij vajzën dhe të vëllain dhe i ka cuar deri te “gurët e Skënderbeut”. Vec kësaj, ekzistojnë edhe mesazhet, kur Klejvisi u kërkon familjarëve të vajzës, që ajo të heqë fëmijën.
