Problematika e rradhës është e një vajze në qytetin e Tiranës, e cila është drejtuar në agjencinë “London Travel”. Ela Papa tregon, se ka qenë në Kinë dhe u ka kërkuar prindërve në Tiranë të interesoheshin për nje biletë, që të kthehej në Shqipëri. Prindërit kanë shkuar në agjencinë e udhëtimeve “London Travel” në datën 3 qershor 2021 dhe kanë prerë një biletë, që kushtonte 1500 euro. Udhëtimi ishte anuluar dhe agjencia nuk e kishte lajmëruar, ndaj vajza kishte kërkuar ribursimin e biletës. Ajo thotë, se prej 5 muajsh prindërit kanë shkuar pranë agjencisë, po nuk i kanë marrë paratë. Nga London Travel i kanë thënë, se nuk i ka rimbursuar akoma kompania Turkish Airline. Por rezulton, se Turkish i ka kthyer prej kohësh lekët agjensisë.Pas vajzës dhe prindërve të saj, agjensisë London Travel i drejtohet gazetarja e “Stop”.Aty na thuhet, se ka një afat për rimbursim, që mund të jetë edhe një vit. Por vajzës do t’i kthehen lekët për një javë.
Sot është ajo, që njihet si e premtja e zezë. Në mbarë botën në këtë ditë ulen cmimet. Ne kemi dalë në rrugët e kryeqytetit dhe kemi pyetur qytetarët, se pse quhet e premtja e zezë dhe nuk ka një ngjyrë tjetër.Nuk mungojnë përgjigjet plot humor nga ana e të intervistuarve.
Të shtunën e kaluar u mbajt aktiviteti i “Fundjavë ndryshe” dhe “Stop”, ku u inauguruan shtëpitë e ndërtuara, pas tërmetit të dy viteve më parë. Në fazën e parë janë përuruar 11 banesa. Në të dytën 20 banesa dhe në fazën e tretë 13 banesa komplet funksionale. Në aktivitet, morën pjesë, presidenti i Fundjavës Arbër Hajdari, drejtori i emisionit “Stop” Saimir Kodra, kryeministri Edi Rama dhe kryebashkiaku Erion Veliaj.
