Në redaksinë tonë janë ankuar banorë të njësisë numër 9, në kompleksin e pallateve “ Agi Bes Halili”. Ata thonë, se kanë 20 vjet, që jetojntë këtu dhe kanë probleme me kanalizimet e ujrave të zeza, pasi bllokohet puseta kryesore dhe përmbytet kati -1 i pallatit, tek garazhi. Banorët thonë, se kanë blerë pompa vetë, që të thithin ujin, por kjo nuk është zgjidhje, pasi kur bie shi, situata bëhet alarmante dhe ata detyrohen të hyjnë me cizme, të marrin makinat.Inxhinieri i firmës së pallatit, Fehmi Abdullahu, thotë, se kjo situatë vjen ngaqë ka 244 njësi dhe vec kësaj ka ndikuar edhe amortizimi i pallatit, tërmetet dhe ndërtimet mbi kolektor.Banorët thonë, se prej vitesh i janë drejtuar UKT-së me shkresa, emaile, apo telefon, por punonjësit e këtij institucioni, vijnë sjellin një bot, e përthithin cdo dy javë dhe historia përsëritet. Gazetarja e “Stop” ve në dijeni drejtorin e kanalizimeve në Tiranë, Maringlen Karaj, i cili thotë, se po bëhet një projekt për atë pallat, për një linjë të re kanalizimi.Drejtori i Departamentit inxhinierik, Enton Osmani, thotë, se për këtë rast janë marrë masa, duke cuar grupin e punës. Ky i fundit do të vlerësojë defektin, për t’i dhënë zgjidhje përfundimtare.
Sa të mirë jemi në veprimet e thjeshta aritmetike.Ne kemi pyetur qytetarët për disa mbledhje, apo zbritje të thjeshta dhe përgjigjet e tyre janë plot humor e batuta.
Alfred Trimi është një qytetar, që është drejtuar në redaksinë tonë, pasi në 2018-ën ka zgjidhur martesën në gjykatë dhe gjykata ka caktuar, që duhet të paguante një pension ushqimor për fëmijët 200 mijë lekë të vjetra në muaj. Alfredi tregon, se pagoi disa kohë dhe më pas nuk pati mundësi, pasi ra pandemia dhe ish-bashkëshortja e tij, iu drejtua një përmbaruesi privat me emrin Elvin Hoxha. Ky i fundit vendosi sekuestron tek një makinë dhe një motorr dhe më pas tek dyqani, të cilin e nxorri në ankand. Vlera e pensionit ushqimor të papaguar është 7 milionë lekë të vjetra. Pasi e nxori në ankand tre herë dyqanin, kaloi tek shtëpia, ndërkohëqë qytetari shprehet, se ka dhe një garazh, që e kalon vlerën, që duhet të paguajë dhe përmbaruesi nuk e sekuestroi. Madje ai pretendon se e ka njoftuar, por nuk ka marrë përgjigje.Përmbaruesi Ilia Elezi shpjegon procedurën e ekzekutimit nga një përmbarues gjyqësor dhe thotë, se fillon sekuestro nga pasuri të luajtshme në të paluajtshme.Si fillim, detyra e përmbaruesit është, që t’i drejtohet Ashk-së, për të marrë informacion mbi të gjitha pronat, pavarësisht rasteve, kur debitorët mund të lajmërojnë për pronat.Së dyti ai nxjerr në ankand dyqan e garazh. Sipas Elezit, përmbaruesi mund të vendosë sekuestro në të gjitha pronat, por duhet të ketë parasysh, që mos të dëmtojë as debitorin.
