Alban Hoxha është një qytetar, që tregon, se një shtetas turk, ka marrë me qira një njësi në katin e parë të pallatit 6 katësh, ku ai jeton, pranë sheshit Wilson.

Turku ka filluar punimet, duke i krijuar Albanit probleme në dysheme dhe në soletën e katit më poshtë.Albani thotë, se kur zbriti poshtë, pa shtetasin turk, që po ndërhynte në strukturën e pallatit. Në këto kushte ai njofton Policisë e Shtetit, IMT-në, Policinë Bashkiake, por Albani thotë, se duhen marrë masa të shpejta, pasi pallati në fjalë ka dalë ds4 nga tërmeti, dhe një dëm tjetër, do të ishte fatal për banorët.Gazetarja u përpoq të komunikojë me shtetasin turk Vildan, por ai nuk ishte në Shqipëri.Në Inspektoriatin e Mbrojtjes së Territorit, Bashkia Tiranë, drejtori Klajdi Meçi, sqaroi, se pas ankesës së banorëve, ka nisur verifikimi dhe rezultoi, se punimet e turkut, ishin pa leje. Për këtë arsye u mor vendimi për gjobë dhe për prishje. Ndërsa për dëmet, rasti është deleguar për vlerësim në Inspektoriatin e Ndërtimit.

Puthje dhe përqafime falas. Me një pankartë të tillë në dorë, gazetari ynë u është drejtuar qytetarëve, të cilët nuk kanë kursyer puthjet ndaj, madje disa prej tyre, edhe në buzë e qafë.

Një qytetare denoncon në redaksinë tonë një faqe në Facebook, që i ka shitur një vaj për gjunjët.Ajo ka paguar 15 euro, pasi thotë, se ka dhimbje në gjunjë.Dy shishet, që i erdhën me postë, kishin brenda ujë ngjyrë rozë, me një mbishkrim për qëllimin e përdorimit, por pa asnjë të dhënë tjetër mbi përbërësit.Mjeku alternativ Irfan Gjeçi, thotë, se bëhet fjalë për një produkt të dyshimtë, ndaj duhet bërë kujdes me blerjet e pakontrolluara në internet.