Një ngjarje e rëndë ka ndodhur në 27 korrik 2021 në Maternitetin “Koco Gliozheni” në Tiranë.Një vajzë e sapolindur ka humbur jetën pas dy ditësh, pasi gjinekologët kanë përdorur pajisjen e quajtur Forceps, për ta tërhequr bebin.Foshnja u dëmtua në kokë, e pas dy ditësh nuk ia doli.Adelina Zeqiri, nëna e foshnjes, tregon, se gjatë shtatzanisë ishte ndjekur nga doktoresha Aida Hoxha dhe ecuria e saj dhe e fëmijës ka qenë pa probleme.Meqë bebi ishte mbipeshë, Adelina me mjeken kishin vendosur, që lindja të bëhej me operacion. Por të resë i nisën dhimbjet më shpejt, ndaj shkoi në maternitet. Mjekja e saj nuk ishte në turn, por delegoi Adelinën te kolegu i saj Ervis Vata. Atë ditë e reja u la pa asnjë ndërhyrje nga stafi mjeksor. Të nesërmen, kur erdhi doktoresha që kishte ndjekur Adelinën, kjo e fundit ishte shumë e lodhur nga dhimbjet për të lindur vetë, apo për të përballuar operacionin.Në ktë pikë, doktoresha Aida Hoxha, i bëri narkozë dhe e nxorri bebin përmes Forcep-sit, një pajisje metalike si lugë.Pasi foshnja e sapolindur nuk ia doli, cështja u referua në Komisariatin numër 1, pasi familjarët akuzuan stafin e Maternitetit, për humbjen e fëmijës.OPGJ Sokol Collaku kërkoi menjëherë kryerjen e autopsisë së foshnjes nga Instituti i Mjeksisë Ligjore.Materialet iu kaluan prokurorisë dhe cështja iu caktua prokurores Mirela Mërtiri, e cila u hoq nga rradhët e drejtësisë nga vettingu.Askush nuk di të thotë, se pse ajo nuk kërkoi përgjigjen e autopsisë nga Mjeksia Ligjore.Së fundmi, prej gati 8 muajsh, kjo cështje i ka kaluar një prokurorit Bledar Valikaj, i cili gjithashtu nuk ka një përgjigje për autopsinë e foshnjes, 4 vjet pas fatkeqsisë.

Këto ditë është bërë e modës, që kandidatët për deputetë, t’u drejtohen qytetarëve me video me humor, për t’u kërkuar votën. Në këtë trend është përfshirë edhe Enkelejd Alibeaj, i koalicionit “Djathtas për zhvillim”. Por mesazhi i Alibeajt, duket shumë i vështirë për t’u c’koduar.

Pasi u la jashtë listave të kandidatëve për deputetë, Dashnor Sula mori një sërë ftesash nga forca të tjera politike. Fillimisht ai i tha “po” një propozimi të lëvizjes “Shqipëria bëhet” të Adriatik Lapajt, propozim nga i cili, u tërhoq shumë shpejt. Më pas, në 19 mars, Sula u ftua të bashkëpunojë nga Edi Rama. Përgjigjen e kësaj ftese Dashnor Sula e jep në studion e emisionit “Stop”.