Një shpërthim me tritol ka ndodhur në orët e para të mëngjesit të kësaj të marte në kryeqytet, ku lënda plasëse ishte vendosur në një automjet të parkuar.

Sipas policisë, shpërthimi ndodhi rreth orës 01:50 në rrugën “Vasil Ndoçka”, në automjetin në pronësi të 36-vjeçarit Oltjon Klosi.

Fatmirësisht, nga shpërthimi nuk ka persona të lënduar, por janë shkaktuar vetëm dëme materiale.

Grupi hetimor po punon për sqarimin e plotë të rrethanave të rastit.