Që prej orës 10:00 ka nisur në Gjykatën Kushtetuese seanca për ankimimin e Erion Veliajt.

Në seancë aktualisht është tërhequr trupa gjykuese për të marrë një vendim pas kërkesës së Presidencës, ku këta të fundit i kërkuan Gjykatës Kushtetuese që të merret parasysh kërkesa e tyre që shqyrtimi i kësaj çështje duhet të ishte kompetencë e Gjykatës Administrative dhe jo Gjykatës Kushtetuese.

“Nuk mund të shqyrtojë një akt administrativ, zgjedhjet në Tiranë u bllokuan duhet të kthehet kushtetueshmëria. Paraqesim kërkesën që të anuloni vendimin për përfshirjen e dekretit në këtë shqyrtim. Anuloni vendimin për përfshirjen e dekretit në lëndën e këtij shqyrtimi”, tha Presidenca.

Nga ana tjetër, pala mbrojtëse ka deklaruar se kjo çështje është kushtetuese në bazë të ligjit.

“I qëndrojmë parashtrimit që kemi. Mendojmë se GJK është kompetencë për shqyrtimin e kërkesës tonë edhe për aktin e presidentit, procesi për ne është ndarë në dy faza, e propozimit dhe vendimmarrjes dhe tjetra, është garancisë kushtetuese që aktivizohet automatikisht me paraqitjen e kërkesës në të cilën nuk duhet të ndërhyrje asnjë institucion përfshirë edhe presidenca i cikli duhet të presë vendimin e Gjkykatës së Lartë. Aktivizimi para kohe aktivizon efektet juridike të këshillit të ministrave”, tha Mbrojtja e Veliajt.