Karrigia në shkollën “Fan Noli” ku ulej Martin Cani mësonte në klasën e 9-të është bosh këtë të mërkurë.

Shokët e tij të klasës kanë vendosur lule të bardha në bankën ku ai ulej.

Në një postim në rrjete sociale ku duken lulet e bardha shkruhet “Sa bosh duket klasa pa ty, në zemrat tona do të jesh gjithë jetën”.

Ngjarja e rëndë që tronditi vendin ka ndodhur mes të rinjve që ishin konfliktuar gjatë pushimit të gjatë, por ishin ndarë nga roja i shkollës dhe mësuesit.

Disa orë më pas, rreth orës 13.00, kur edhe kishin përfunduar mësimin, u ritakuan në oborr.