Rrogozhinë/ E pickon merimanga e zezë, përfundon në gjendje kritike për jetën në QSUT, pritet kundërhelmi nga Mali i Zi – Stop
Aktualitet, Lajme, Të Gjitha

Rrogozhinë/ E pickon merimanga e zezë, përfundon në gjendje kritike për jetën në QSUT, pritet kundërhelmi nga Mali i Zi

RROGOZHINË- Një ngjarje e pa precedentë ka ndodhur në Rrogozhin, ku një burrë rreth të 50-ave, është pickuar nga merimanga e zezë. Burime për ABC bëjnë të ditur se bëhet fjalë për Hasbi.K, i cili ka përfunduar në spitalin “Nënë Tereza” në Tiranë për shkak të picikimit nga merimanga e zezë.

Aktualisht personi në fjalë ndodhet në gjendje kritike për jetën dhe ende nuk ka marrë kundërhelmin, ku nga ana e mjekëve po mbahet nën trajtim intensiv.

Hasbi.K mësohet se ka qenë në banesën e tij në qendër të Rrogozhinës, kur është pickuat nga insekti helmues. Fillimisht ai ka marrë ndihmë në spitalin e Rrogozhinës më pas është nisur me urgjencë drejt QSUT, ku po merr trajtim në gjendje kritike për jetën.

Bëhet me dije se është dashur ndërhyrja e Ministrisë së Shëndetësisë  për të gjetur kundërhelmin ndaj merimangës së zezë të cilët kanë kontaktuar me disa vende nga rajoni. Mësohet se ditën e nesërme pritet që nga Mali i Zi të vijë edhe kundërhelmi që mund t’i shpëtojë jetën 50-vjeçarit nga Rrogozhina.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *