Çfarë të bëni me pemën tuaj të Krishtlindjes pasi të kenë përfunduar festat? Një organizatë jofitimprurëse me bazë në Midwest ka një zgjidhje mjaft unike dhe miqësore me mjedisin: Dhurojani dhive të uritura.
“Ne të gjithë e dimë se është shumë emocionuese të kesh pemën e Krishtlindjeve. Problemi më i madh ndonjëherë është se të gjesh një vend për të pasi festat mbarojnë. Nëse dëshironi që ta hidhni, mos e bëni, vendosni ta ricikloni atë”, tha Mykele Deville.
Urban Growers Collective po merr çdo pemë Krishtlindjeje pa dekore në fermën e saj në Çikago, Illinois.
Ferma aktualisht ka 9 dhi pygmy nigeriane që duan të hanë lëvoren, halat e pishave dhe të luajnë me degët e pemëve të Krishtlindjeve. Pemët e Krishtlindjeve janë ushqyese për dhitë, të mbushura me vitamina A dhe C, sipas Urban Growers Collective.
“Këto që ato konsumojnë janë të shëndetshme, kanë vitamina. Atyre u pëlqen të luajnë me degët e pemëve. I ndihmon traktin e tyre tretës, të shmangin parazitët”, tha Mykele Deville.
Sipas organizatës jofitimprurëse Seaside Sustainability, amerikanët hedhin rreth 15 milionë pemë Krishtlindjesh, çdo vit pas festave.
