Një ngjarje e rëndë ka ndodhur në Korçë, ku një prift ka rënë aksidentalisht nga çatia e kishës ku shërben.

Sipas informacionit të bërë publik nga policia, prifti K. V., 63 vjeç, ka pësuar lëndime dhe është dërguar në spital për ndihmë mjekësore.

Ngjarja ka ndodhur pranë kishës së ndodhur në lagjen nr. 14 të qytetit të Korçës.

Njoftimi i Policisë:

“Rreth orës 11:00, në lagjen nr. 14, dyshohet se aksidentalisht ka rënë nga çatia e kishës ku shërben si prift, shtetasi K. V., rreth 63 vjeç, i cili u dërgua në spital për ndihmë mjekësore. Grupi hetimor, në drejtimin e Prokurorisë, po punon për zbardhjen e rrethanave të rastit.”